The news is by your side.

Advertisement

سمندری طوفان وایو کل بھارتی ریاست گجرات کے ساحل سے ٹکرائے گا، ہائی الرٹ جاری

ممبئی : بحیرہ عرب میں بننے والا سمندری طوفان وایوکل بھارت کی ریاست گجرات کے ساحل سے ٹکرائے گا، گجرات میں ہائی الرٹ نافذ کردیا گیا اور اسکولز اورکالجز بھی بندکردئیے گئے ہیں۔

تفصیلات کے مطابق بحیرہ عرب میں بننے والا طوفان شدت اختیار کرگیا، سمندری طوفان وایوکل بھارت کی ریاست گجرات کے ساحل سے ٹکرائے گا، جس سے گوا سمیت مختلف علاقوں میں شدید بارش ہوگی اور سوکلومیٹرفی گھنٹہ سے زیادہ رفتارکی ہوائیں چلیں گے۔

سمندری طوفان کے باعث گجرات میں ہائی الرٹ نافذ کردیا گیا اور اسکولز اورکالجز بھی بندکردئیے گئے ہیں جبکہ تین لاکھ افراد کومحفوظ مقامات پرمنتقل کیا جارہا ہے۔

سمندری طوفان کے باعث ممبئی میں بھی طوفانی بارش کا امکان ہے، حکام نے ماہی گیروں کوپندرہ جون تک سمندر میں نہ جانے کی ہدایت کی ہے جبکہ سمندری ساحلوں پر لوگوں کو نہ جانے کی صلاح دی گئی ہے۔

محکمہ موسمیات کے ڈائریکٹر جینت سرکار نے بتایا طوفان نے اور زیادہ خطرناک طوفان کی شکل لے لی ہے، صبح یہ گجرات کے ویراول ساحل سے تقریباً 340 کلومیٹر جنوب میں واقع تھا۔ یہ کل صبح پوربندر سے مہوا کے درمیان ویراول کے آس پاس زمین سے ٹکرائے گا۔

انھوں نے کہا اس وقت اس کی رفتار پہلے کے اندازے کے مطابق 110 سے 120 کلومیٹر فی گھنٹہ کے مقابلے میں اور زیادہ 145 سے 155 کلومیٹر فی گھنٹہ رہنے کا امکان ہے اور اس کے ساتھ کبھی کبھی ہوا کی رفتار 175 کلومیٹر فی گھنٹہ تک پہنچ جائےگی۔

دوسری جانب طوفان وایو سے پاکستان میں بھی سندھ کے جنوب مشرقی علاقے بھی طوفان سے متاثرہوسکتے ہیں،ماہی گیروں کوگہرے سمندر میں نہ جانے کی ہدایت بھی کی گئی ہے۔

محکمہ موسمیات کے مطابق آندھی کے ساتھ تیزبارش بھی متوقع ہے جبکہ وایو طوفان کے باعث کراچی میں آئندہ دو روز شدید گرمی رہے گی، پارہ 40 ڈگری کو چھو سکتا ہے۔

خیال رہے سال 2014 کے اکتوبر میں نیلوفر طوفان اور 2017 کے دسمبر میں اوکھی طوفان گجرات ساحل سے ٹکراتے وقت کم دباؤ میں تبدیل ہوگئے تھے، اس سے کوئی نقصان نہیں ہوا تھا۔

Comments

comments

یہ بھی پڑھیں