site
stats
پاکستان

بہاولنگر: سرکلر روڈ پر سلنڈر دھماکہ، 6 افراد جاں بحق

بہاولنگر: صوبہ پنجاب کے شہر بہاولنگر میں عمارت کے اندر زور دار سلنڈر دھماکہ ہوا جس سے عمارت کا ایک حصہ گر گیا۔ متعدد افراد ملبے تلے دب گئے جن میں سے 6 جاں بحق ہوگئے۔

دھماکہ بہاولنگر کے علاقے سرکلر روڈ پر ہوا۔ دھماکہ اس قدر شدید تھا کہ آس پاس کی عمارتیں لزر اٹھیں جبکہ نیچے کھڑی ایک گاڑی کو بھی شدید نقصان پہنچا۔ دھماکہ جس عمارت کے اندر ہوا اس عمارت کا ایک حصہ زمین بوس ہوگیا۔

واقعے کے بعد اہل محلہ نے اپنی مدد آپ کے تحت زخمیوں کو ملبے سے نکالنا شروع کر دیا۔

ریسکیو ذرائع کا کہنا ہے کہ ملبے میں متعدد لوگ دب گئے۔ ریسکیو ڈسٹرکٹ انچارج شرافت علی کے مطابق تاحال ملبے سے 6 لاشوں اور 10 زخمی افراد کو نکال لیا گیا ہے جنہیں قریبی اسپتال منتقل کردیا گیا ہے۔

جائے وقوعہ پر مزید امدادی کام جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top