کراچی میں لانڈھی پولیس نے کارروائی کرتے ہوئے ڈکیت میاں بیوی کو گرفتار کر لیا جو مل کر خواتین کو لوٹتے تھے۔
اے آر وائی نیوز کے مطابق کراچی کے ضلع شرقی میں لانڈھی پولیس نے کارروائی کرتے ہوئے ڈکیت میاں، بیوی کو گرفتار کر لیا ہے جو مل کر خواتین سے لوٹ مار کی وارداتیں کیا کرتے تھے۔
پولیس کا کہنا ہے کہ گرفتار ملزمان پلوشہ اور شہریار کے قبضے سے خواتین سے چھینے ہوئے 76 پرس، اسلحہ، 4 موبائل فون اور اے ٹی ایم کارڈز وغیرہ برآمد ہوئے ہیں۔
- Advertisement -
پولیس کے مطابق دونوں میاں بیوی اسلحے کے زور پر خواتین کو لوٹتے تھے اور گرفتاری سے قبل دونوں نے لانڈھی میں ایک خاتون راہ گیر سے بھی لوٹ مار کی تھی۔
پولیس نے ملزمان کو تیکنیکی بنیادوں پر موبائل فون ٹریسنگ کے ذریعے گرفتار کیا ہے۔
