دادو : گورکھ ہل اسٹیشن کے قریب جھگیوں میں آتشزدگی سے ایک ہی خاندان کے آٹھ افراد جاں بحق ہوگئے۔
تفصیلات کے مطابق گذشتہ رات دادو کے نواحی علاقے گورکھ اسٹیشن ہل کے قریب جھونپڑی میں سردی کی شدت کم کرنے کے لئے جلائی آگ بھڑک اٹھی۔
آگ نے دیکھتے ہی دیکھتے دوسری جھونپڑیوں کو بھی اپنی لپیٹ میں لے لیا، جس کے نتیجے میں جھونپڑی میں سوئے ہوئے ایک ہی خاندان کے آٹھ افراد جاں بحق ہوگئے۔
- Advertisement -
دوردراز علاقہ ہونے کے باعث اب تک امدادی کارروائیاں شروع نہیں کی جا سکیں۔ حکومت کی جانب سے کروڑوں روپے خرچ کرنے کے باوجود علاقےمیں کوئی طبی امداد کا مرکز نہیں بنایا گیا جس کی وجہ سے مقامی آبادی کو مشکلات کا سامنا ہے۔
