چڑیا گھر کی انتظامیہ کو فرار کوے کی تلاش، ہاۓ، ہیلو کرسکتا ہے!
امریکا کے چڑیا گھر سے ایک کوا ٹریننگ سیشن کے دوران فرار ہوگیا، چڑیا گھر انتظامیہ نے عوام سے اسے ڈھونڈنے میں مدد کی اپیل کی ہے۔
امریکی ریاست ٹیکسس کے ڈلاس چڑیا گھر سے یہ کوا دوران ٹریننگ فرار ہوا، ڈلاس زو کی انتظامیہ کا کہنا ہے کہ اونکس نامی کوے کو ایک برڈ شو کے لیے تربیت دی جارہی تھی جس کے دوران وہ اڑ گیا۔
- Advertisement -
انتظامیہ کا کہنا ہے کہ اس کوے کو پہچاننا آسان ہے کیونکہ یہ دوسرے کووں سے مختلف ہے اور اس کے سینے پر سفید فر ہے۔
View this post on Instagram
بیان کے مطابق کوا انسانوں سے دوستانہ رویہ رکھتا ہے، اور ہائی ہیلو کہنے اور اپنا نام پکارنے کے قابل ہے۔
انتظامیہ نے اپیل کی ہے کہ اگر یہ کوا کہیں نظر آئے تو اسے خود سے پکڑنے کے بجائے چڑیا گھر میں اطلاع دی جائے۔
