ابو حمدان: سوڈان میں ڈیم منہدم ہونے کے سبب 30 افراد زندگی کی بازی ہار گئے، جس کے باعث پانی کے ریلے نے 20 دیہات صفحہ ہستی سے مٹ گئے۔
بین الاقوامی خبر رساں ادارے کی رپورٹ کے مطابق سوڈان کی مشرقی بحیرہ احمر میں ارباط ڈیم پھٹ گیا، جس کے سبب پانی قریبی دیہاتوں میں داخل ہو گیا، اور متعدد افراد پانی میں بہہ گئے۔
اقوام متحدہ کے مطابق ڈیم سے نکلنے والے پانی نے بیس دیہات صفحہ ہستی سے مٹ چکے ہیں، جبکہ ارباط ڈیم پھٹنے سے ہزاروں افراد بے گھر ہوچکے ہیں۔
سوڈان کی مرکزی وزارت صحت کے مطابق جو افراد پانی میں پھنسے ہوئے ہیں ان کی مدد کے لئے تمام وسائل بروئے کار لائے جا رہے ہیں۔
بیان کے مطابق ایک مقامی عہدیدار نے نیوز سائٹ کو بتایا کہ ان کے خیال میں کم از کم 60 افراد لقمہ اجل بن چکے ہیں۔
سوڈانی خبر رساں ادارے کا اس حوالے سے کہنا ہے کہ 100 سے زائد افراد لاپتہ ہیں اور بہت سے دیگر دیہاتی بڑھتے ہوئے پانی کے ریلوں سے بچنے کے لیے پتھریلی پہاڑیوں کی چوٹیوں پر چڑھ گئے ہیں، جن کی زندگیاں خطرے میں ہیں۔
واضح رہے کہ پورٹ کے شمال میں 40 کلومیٹر (25 میل) کے فاصلے پر ابو حمدان شہر میں واقع اس ڈیم سے بحیرہ احمر کے شہر کو پینے کا پانی فراہم کیا جاتا تھا۔
