دمام، شہزادہ سعود بن نائف نے پاکستانی ڈرائیور کو انعامات سے نوازا damam-governor
The news is by your side.

Advertisement

دمام: شہزادہ سعود نے پاکستانی ڈرائیور کو انعامات سے نواز دیا

ریاض: دمام کے گورنر شہزادہ سعود بن نائف نے پاکستانی ڈرائیور کو دو افراد کی جان بچانے پر تحائف سے نواز دیا اور سرکاری خرچ پر حج کرانے کا وعدہ کیا۔

تفصیلات کے مطابق سعودی عرب میں دمام کے گورنر شہزادہ سعود بن نائف نے پاکستانی ڈرائیور محمد منصور کو دو افراد کی جانوں کو بچانے پر تحائف سے نوازا اور سرکاری خرچے پر حج کرانے کی یقین دہانی کرائی۔

دمام کے گورنر شہزادہ سعود بن نائف پاکستانی ڈرائیور محمد منصور کو اپنے دفتر بلوایا اور قیمتی انسانی جانوں کو بچانے پر شکریہ ادا کیا اور حوصلہ افزائی کے لیے نقد تحائف کے علاوہ رواں سال سرکاری خرچ پر حج کرانے کا بھی اعلان کیا۔

اسی سے متعلق : دبئی: پاکستانی ڈرائیور نے 1لاکھ 80 ہزار درہم اصل مالک تک پہنچادیے

واضح رہے کہ سعودی عرب کے مشرقی صوبہ دمام میں پاکستانی ٹرک ڈرائیور محمد منصور نے بہادری اور انسانیت کو بچانے کی اعلیٰ مثال قائم کرتے ہوئے آگ میں لپٹی کار میں سے دو افراد کو زندہ نکالا اور قریبی اسپتال پہنچا کر ابتدائی طبی امداد بھی دلوائی جس کے باعث دونوں مسافر کی جان بچ گئی تھی۔

یہ بھی پڑھیں: شارجہ میں پاکستانی ڈرائیور کی دیانت داری، 17 لاکھ درہم واپس لوٹا دیے

پاکستانی ڈرائیور محمد منصور نے گورنر دمام سعود بن نائف کی جانب سے پذیرائی اور نقد تحائف سمیت حج پر بھیجنے کے اعلان پر مسرت کا اظہار کرتے ہوئے شکریہ ادا کیا۔

Comments

comments

یہ بھی پڑھیں