The news is by your side.

Advertisement

ملک میں پانی کی قلت کا خدشہ

لاہور: ملکی آبی ذخائر میں پانی کا ذخیرہ صرف 15 لاکھ ایکڑ فٹ رہ گیا۔ انڈس ریور سسٹم اتھارٹی (ارسا) کا کہنا ہے کہ مون سون بارشیں ہوئیں تو پانی کی صورتحال میں بہتری آجائے گی۔

تفصیلات کے مطابق ملک بھر کے ڈیموں میں پانی کا ذخیرہ صرف 15 لاکھ ایکڑ فٹ رہ گیا۔ تربیلا اور منگلا ڈیم میں پانی کے ذخیرے میں 1 لاکھ ایکڑ فٹ کی ریکارڈ کمی دیکھی گئی۔

صرف 24 گھنٹے میں دریاؤں میں 15 ہزار کیوسک پانی کی کمی ہوئی۔ دریائے سندھ میں تربیلا کے مقام پر پانی کی آمد ایک لاکھ 10 ہزار کیوسک ہوئی جبکہ اسی مقام پر پانی کا اخراج 155 ہزار کیوسک ریکارڈ کیا گیا۔

دریائے کابل میں پانی کی آمد 2 ہفتے میں 90 ہزار سے کم ہو کر صرف 45 ہزار کیوسک رہ گئی جبکہ منگلا کے مقام پر دریائے جہلم میں پانی کی آمد محض 26 ہزار کیوسک ریکارڈ کی گئی۔ چشمہ جہلم لنک نہر میں 8 ہزار 700 کیوسک پانی دیا جا رہا ہے۔

انڈس ریور سسٹم اتھارٹی (ارسا) کا کہنا ہے کہ گزشتہ سال آبی ذخائر میں پانی کا ذخیرہ 53 لاکھ ایکڑ فٹ سے زیادہ تھا۔ ارسا کے مطابق مون سون بارشیں ہوئیں تو پانی کی صورتحال میں بہتری آجائے گی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں