تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

خبردار! آپ کے اسمارٹ فون میں موجود یہ ایپ آپ کو کنگال کر سکتی ہے

اسمارٹ فون رکھنے والے افراد اپنے فون میں مختلف ایپلی کیشنز رکھتے ہیں جس کا مقصد مختلف سرگرمیوں کو آسان بنانا ہوتا ہے، تاہم ایک ایپ ایسی ہے جو بظاہر بہت معتبر معلوم ہوتی ہے، لیکن درحقیقت وہ صارفین کو نقصان پہنچانے کے لیے بنائی گئی ہے۔

غیر ملکی خبر رساں ادارے کے مطابق ٹو ڈو: ڈے مینیجر نامی اسمارٹ فون ایپلی کیشن کے حوالے سے ایک رپورٹ شائع کی گئی ہے جس میں کہا گیا ہے کہ اگر آپ کے موبائل فون میں مذکورہ ایپ موجود ہے تو یہ موبائل سے آپ کے بینک اکاؤنٹس کی تمام معلومات چوری کر کے آپ کو کنگال کر سکتی ہے۔

رپورٹ میں بتایا گیا کہ یہ ایپ صارف کی پرائیویسی یعنی موبائل کے کوڈز، فنگر پرنٹ اور چہرے کی شناخت سمیت تمام معلومات حاصل کرلیتی ہے۔

ماہرین نے اسمارٹ فون رکھنے والے ایسے صارفین جو اس ایپ کو پہلے ہی اپنے موبائل میں ڈاؤن لوڈ کر چکے ہیں، خبردار کیا ہے کہ اگر وہ کسی بڑی مصیبت سے محفوظ رہنا چاہتے ہیں تو فوراً اس ایپ کو ڈیلیٹ کردیں، ورنہ انہیں پچھتاوا ہوگا۔

یہ ایپ بنیادی طور پر دن بھر کی مصروفیات کا شیڈول بنانے کے ساتھ ساتھ اہم تقریبات یا پھر نماز کے اوقات کی یاد دہانی میں مدد کے لیے بنائی گئی ہے۔

ماہرین نے خبردار کیا ہے کہ ایپ نہ صرف اسمارٹ فون پر آنے والے تحریری پیغامات تک رسائی حاصل کر سکتی ہے بلکہ آپ کی بینکنگ کی حساس معلومات بھی چوری کر کے اس کا غلط استعمال کر سکتی ہے۔

Comments

- Advertisement -