ریاض: سعودی فوڈ اینڈ ڈرگ اتھارٹی (ایس ایف ڈی اے) نے انکشاف کیا ہے کہ بچوں کے لیے پیراسٹامول کی خوراک میں کمی بیشی نقصان کا باعث بن سکتی ہے۔
عرب میڈیا کی رپورٹ کے مطابق سعودی فوڈ اینڈ ڈرگ اتھارٹی نے سماجی رابطے کی سائٹ ٹوئٹر پر پیراسٹامول دوا کی مناسب مقدار کے حوالے سے آگاہی دی اور خبردار کیا کہ خوراک میں کمی بیشی خطرہ بن سکتی ہے۔
ایس ایف ڈی اے نے ٹوئٹر پر لکھا کہ بچوں کے لیے استعمال کی جانے والی دوا پیراسٹامول کی خوراک کا درست استعمال کیا جائے تب ہی انہیں فائدہ ہوگا۔
من الضروري الالتزام بالجرعة الصحيحة لدواء الباراسيتامول بناءً على وزن طفلك تفاديًا للتسمم الناتج عن الحساب غير الدقيق للجرعات. https://t.co/fElhx01E8H #الغذاء_والدواء pic.twitter.com/TIByQ9pST6
— هيئة الغذاء والدواء (@Saudi_FDA) October 20, 2021
فوڈ اینڈ ڈرگ اتھارٹی کا کہنا ہے کہ پیراسٹامول پیناڈول، فیواڈول، اڈول اور ٹاینول نامی ادویات میں بھی استعمال ہوتی ہے، یہ دوائیں ٹیبلٹ، سیرپ اور بالکل چھوٹے بچوں کے لیے قطروں کی شکل میں استعمال کی جانی چاہیے۔
اتھارٹی نے ہدایت کی کہ بچوں اور بڑوں کے لیے دوا کا استعمال ڈاکٹر کے مشورے کے بعد کیا جائے اور جتنی مقدار تجویز کی جائے اتنی ہی استعمال کی جائے بصورت دیگر نقصان ہوسکتا ہے۔
