سرگودھا : تجاوزات کیخلاف کریک ڈاؤن میں نون لیگ کے رہنما اور سابق وفاقی وزیر دانیال عزیز کی قبضہ شدہ زرعی اراضی واگزارکرا لی گئی, دانیال عزیز کے خاندان نے سلانوالی میں تین سو ایکڑ سے زائد پر قبضہ کر رکھا تھا۔
تفصیلات کے مطابق عدالتی فیصلوں اور دوسروں پر الزمات لگانے والے مسلم لیگ رہنما دانیال عزیز بھی قبضہ مافیا نکلے، سابق وفاقی وزیردانیال عزیز نے ایک نہیں دو نہیں بلکہ تین سو کنال زرعی زمین پر قبضہ کیا ہوا تھا۔
حکومت پنجاب نے کارروائی کرتے ہوئے سیکڑوں کنال اراضی واگزار کرالی، دانیال عزیز کے خٓندان نے انیس سو ساٹھ سے تین سو ایکٹر کے قریب زرعی اراضی پر قبضہ کر رکھا تھا۔
لیز کینسل ہونے کے باوجود دانیال عزیز نے حکومتی اثر رسوخ استعمال کیا اور زمین حکومت کو واپس نہیں کی، موجودہ حکومت نے کیس اینٹی کرپشن کو بھیجا۔
اینٹی کرپشن نے کارروائی کرتے ہوئے پولیس اورانتظامیہ کی مدد سے کی گئی تعمیرات گرادیں اوراراضی سرکاری قبضہ میں لے لی۔ اینٹی کرپشن ذرائع کے مطابق دانیال عزیز کی طرف سے قبضہ کردہ زمین کی مالیت اربوں روپے ہے۔
