شوبز انڈسٹری کے معروف اداکار و میزبان دانش تیمور نے چار شادیوں کی اجازت سے متعلق بیان پر وضاحت آگئی۔
اداکار دانش تیمور نجی ٹی وی پر رمضان ٹرانسمیشن میں میزبان کے فرائض انجام دے رہے ہیں، اہلیہ و اداکارہ عائزہ خان کے بطور مہمان شو میں شرکت کرنے پر انہوں نے چار شادیوں سے متعلق بیان دیا تھا جس کے نتیجے میں انہیں تنقید کا سامنا ہے۔
اداکار نے کہا کہ مجھے اللہ نے چار شادیوں کی اجازت دی ہے، میں کرسکتا ہوں لیکن میرا فی الحال دوسری شادی کوئی ارادہ نہیں جس کی وجہ سے میری بیوی عائزہ کی محبت اور احترام ہے۔
دانش تیمور کے اس بیان پر انہیں سوشل میڈیا پر تنقید کا نشانہ بنایا گیا جس کے بعد ان کی وضاحت آگئی ہے۔
انہوں نے کہا کہ میرے بیان کو غلط سمجھا گیا ہے، میں نے کچھ اور کہنا چاہا تھا، میرا مطلب تھا کہ میں فی الحال عائزہ خان کے ساتھ ہوں اور مجھے اپنے اگلے لمحے کا بالکل پتا نہیں کہ کب میری موقت واقع ہوجائے، میں جب تک زندہ ہوں عائزہ خان کے ساتھ ہوں، موت کے بعد کا انسان کچھ نہیں کہہ سکتا۔
اداکار نے کہا کہ میں اب بھی اپنے پرانے بیان پر قائم ہوں کہ مجھے چار شادیوں کی اجازت ہے اور جب اللہ نے مجھے یہ اجازت دی ہے کہ میں ایک سے زائد شادیاں کرسکتا ہوں تو مجھے کوئی نہیں روک سکتا۔
