27.9 C
Ashburn
بدھ, مئی 22, 2024
اشتہار

سکھر : دارالامان میں خواتین کی عزت تک محفوظ نہیں، پھوٹ پھوٹ کر رو پڑیں، ویڈیو وائرل

اشتہار

حیرت انگیز

سکھر: سندھ کے شہر سکھر کے دارالامان میں بھی خواتین کو امان نصیب نہ ہوا، انچارج کی طرف سے سہولتوں کی فراہمی کے بجائے ناروا رویے اور ہراساں کرنے کی شکایات سامنے آرہی ہیں۔

اس حوالے سے اے آر وائی نیوز سکھر کی نمائندہ سحرش کھوکھر دارالامان پہنچیں اور اور وہاں دنیا کے مظالم سے بچنے کیلئے آنے والی بے سہارا خواتین سے گفتگو کی۔

دارالامان سکھر میں گزشتہ3 سال سے کوئی بھی خاتون ڈپٹی ڈائریکٹر تعینات نہیں کی گئی، ظالم سماج کی ستم ظریفی کی شکار خواتین کے لیے بنائے گئے دارلامان میں پناہ لینے والی خواتین کا صبر بھی اب جواب دے گیا ہے۔

- Advertisement -

ان کا کہنا ہے کہ انچارج کی جانب سے ہمیں جنسی طور پر ہراساں کیا جاتا ہے، اس کے علاوہ بیماری یا دیگر مسائل میں مبتلا خواتین کو کسی بھی قسم کی کوئی سہولت فراہم نہیں کی جاتی۔

اپنی پریشانیاں بیان کرتے ہوئے مذکورہ خواتین کا صبر جواب دے گیا اور وہ پھوٹ پھوٹ کر روپڑیں، یہ مناظر دیکھ کر واضح طور پر دیکھا جاسکتا ہے کہ دارالامان سے بھی یہ امان رخصت ہوگیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں