وائی فائی نیٹ ورکس کے ذریعے صارفین کی معلومات چوری ہونے کا خدشے کے پیشِ نظر ایڈوائزری جاری کری گئی۔
اس حوالے سے کابینہ ڈویژن نے تمام وفاقی وزارتوں، ڈویژنز اور صوبائی حکومتوں کو مراسلہ لکھ کر آگاہ کر دیا ہے۔
ایڈوائزری میں وائی فائی روٹرز کو غیرمحفوظ قرار دیتے ہوئے کہا گیا ہے کہ وائی فائی کے ذریعےنیٹ ورک ٹریفک میں باآسانی مداخلت ہو سکتی ہے اور روٹرز اپڈیٹس کے ذریعے انٹرنیٹ ٹریفک کو غیرمحفوظ کیا جا سکتا ہے۔
- Advertisement -
وائی فائی نیٹ ورک کے ذریعے ڈائریکٹریز اور فائلز کو باآسانی شیئر کیا جا سکتا ہے۔
ایڈوائزری میں صارفین کو وائی فائی کے پاسورڈ پیچیدہ رکھنے کی سفارش کی گئی ہے جب کہ ایڈوائزری میں وائی فائی کے نام اور آئی ڈی خفیہ رکھنے کی تجویز دی گئی ہے۔
اہم معلومات کو بچانے کےلیے گیسٹ نیٹ ورک کو بند کرنے کی تجویز بھی دی گئی ہے۔
