The news is by your side.

Advertisement

امریکا : سفاک ماں نے چار سالہ بیٹی کو بہیمانہ طریقے سے قتل کردیا

فورٹ ورتھ : امریکہ میں چار سالہ معصوم بچی اپنی سفاک ماں کے ہاتھوں قتل ہوگئی، پولیس نے ملزمہ کو گرفتار کرکے آلہ قتل برآمد کرلیا۔

تفصیلات کے مطابق امریکی ریاست ٹیکساس کے شہر فورٹ ورتھ میں بچی کے قتل کا واقعہ پیش آیا ہے، اس حوالے سے پولیس کا کہنا ہے کہ چار سالہ بچی کو اس کی ماں نے قتل کیا ہے۔

فورٹ ورتھ پولیس کے مطابق افسران کو گزشتہ روز صبح 11بجے اطلاع ملی کہ ہرلی ایونیو کے 2100 بلاک پر قتل کی واردات ہوئی ہے جس پر فوری کارروائی کرتے ہوئے وہ جائے وقوعہ پر پہنچ گئے۔

غیر ملکی خبر رساں ادارے کے مطابق پولیس نے ابتدائی تحقیقات کے بعد مقتولہ بچی کی ماں 34سالہ کرسٹل لیوینڈوسکی کو گرفتار کرکے مقدمہ درج کرلیا، بچی کی والدہ نے اپنی چار سالہ بیٹی کو قتل کرنے کا اعتراف بھی کرلیا ہے۔

پولیس نے اپنی ابتدائی رپورٹ میں لکھا ہے کہ ملزمہ لیوینڈوسکی نے گزشتہ رات اپنی بیٹی کے گلے پر چھری پھیر کر اسے قتل کیا اور اس کی لاش پچھلے صحن میں رکھے کچرے کے ڈبے میں ڈالنے کا اعتراف کیا ہے۔

اس حوالے سے تفتیشی افسر کا کہنا ہے کہ ملزمہ نے بچی کے قتل سے متعلق مختلف بیانات دیئے ہیں ملزمہ کا یہ بھی کہنا ہے کہ اسے کسی نے ایسا کرنے کا کہا تھا تاہم کیس کی مزید تحقیقات جاری ہیں۔

Comments

یہ بھی پڑھیں