The news is by your side.

Advertisement

ماں کو بے دردی سے کیوں قتل کیا؟ بیٹیوں نے وجہ بتادی

کویت سٹی: اپنی ماں کو انتہائی سفاکانہ طریقے سے قتل کر کے اس کا سر تن سے جدا کرنے والی دو بہنوں نے گرفتاری کے بعد جرم کرنے کی وجہ بتادی۔

بین الاقوامی ویب سائٹ کے مطابق کویت کے دارالحکومت کے علاقے الدوحہ میں پولیس نے ماں کا قتل کرنے والی دونوں بہنوں کو حراست میں لے کر ان سے تفتیش کی تو معاملہ کھل کر سامنے آگیا۔

پولیس کا کہنا ہے کہ گرفتاری کے بعد دونوں خواتین پر جنونی کیفیت طاری ہوگئی جس کے باعث کچھ دنوں کیلئے ان سے تفتیش مؤخر کردی گئی تھی۔

پولیس کے مطابق مقتولہ کی عمر67 سال تھی جبکہ بہنوں میں سے ایک کی عمر 40 سال جبکہ دوسری ملزمہ کی عمر 33 سال ہے۔ پولیس کو مقتولہ کا سر ایک تھیلی میں بند ملا جسے کچن میں چھپایا گیا تھا۔

بعد ازاں دونوں بہنوں کو ورادات کے محرکات کی چھان بین کیلئے جائے وقوعہ پر لایا گیا، انہوں نے پولیس کو وہ جگہ بھی دکھائی جہاں وہ اپنی ماں کی لاش کو دفنانا چاہتی تھیں۔

مزید پڑھیں : بیٹیوں نے ماں کا بہیمانہ قتل کر کے سر تن سے الگ کردیا

دونوں بہنوں نے پولیس کو بتایا کہ ان کا اپنبی ماں کے ساتھ گھریلو مسئلے پر اختلاف تھا جس پر جھگڑے کے بعد انہوں نے طیش میں آکر والدہ کو قتل کردیا۔

Comments

یہ بھی پڑھیں