The news is by your side.

پاکستانی اوپنر کی وکٹیں جلد لے کر مڈل آرڈر پر پریشر ڈالنے کی کوشش کریں گے، ڈیوڈ ملر

سڈنی: جنوبی افریقا کے بیٹر ڈیوڈ ملر نے کہا ہے کہ پاکستان کے اوپنر کی وکٹ جلد لے کر میڈل آرڈر پر پریشر ڈالنے کی کوشش کریں گے۔

تفصیلات کے مطابق ڈیوڈ ملر نے سڈنی میں پریس کانفرنس کرتے ہوئے کہا کہ ہمیں معلوم ہے، پاکستان ٹیم کے کپتان بڑا اسکور نہیں کرپارہے، اس چیز کا فائدہ اٹھانے کی بھر پور کوشش کریں گے۔

انکا کہنا تھا کہ ٹیم کے اوپنر بابر اعظم اور محمد رضوان کو جلد آؤٹ لے کر پاکستانی ٹیم کے مڈل آڈر پر پریشر ڈالنے کی کوشش کریں گے۔

جنوبی افریقا کے بیٹر کا کہنا تھا کہ ہمارے لیے ورلڈ کپ کا پر میچ اہم ہے، پاکستان ایک بہترین ٹیم ہے، جس کے پاس اہم میچز کے ونزز ہیں۔

انہوں نے کہا کہ پاکستان کے لیے یہ میچ جیتنا ضروری ہے، لیکن ہماری ٹیم بھی مشکل صورت حال سے میچز جیتنا جانتی ہے، ہماری ٹیم ہر صورتحال کے لیے تیار ہے۔

ڈیوڈ ملر کا مزید کہنا تھا کہ ہمارے پیس اٹیک نے گزشتہ چند ماہ میں زبردست پرفارمنس کا مظاہرہ کیا ہے، ہماری ٹیم برصغیر کے اسپنرز کو کھیلنے کے لیے تیار ہے۔

واضح رہے کہ پاکستانی ٹیم کو کل اپنا اہم میچ جنوبی افریقا کے ساتھ کھیلنا ہے، پاکستان کو ٹورنامنٹ میں واحد فتح نیدر لینڈ کے خلاف ملی ہے اور اس کو سیمی فائنل دوڑ میں شامل رہنے کے لیے کل سڈنی میں میچ میں بڑے مارجن سے فتح حاصل کرنی ہے۔

Comments

یہ بھی پڑھیں