لاہور: آسٹریلیا کے خلاف دوسری اننگز میں حسن علی کے آؤٹ ہونے پر ڈیوڈ وارنر نے دلچسپ انداز میں جشن منایا جس کی ویڈیو وائرل ہوگئی۔
تفصیلات کے مطابق لاہور ٹیسٹ میں آسٹریلیا نے پاکستان کو شکست دے کر سیریز اپنے نام کرلی، آسٹریلیا نے کھیل کے چوتھےروز اپنی دوسری اننگز 227 رنز 3 کھلاڑی آؤٹ پر ڈیکلیئر کردی تھی جس کے بعد پاکستان کو جیت کیلئے 351 رنز کا ہدف ملا تھا لیکن قومی ٹیم کھیل کے آخری روز 235 پر ہی ڈھیر ہوگئی۔
آسٹریلیا نے پاکستان کو 116 رنز سے شکست دے کر سیریز اپنے نام کی، امام الحق 70 اور کپتان بابر اعظم 55 رنز کے ساتھ نمایاں رہے۔
دوسری اننگز میں حسن علی جب نیتھن لیون کی گیند پر بولڈ ہوئے تو قریب ہی کھڑے ڈیوڈ وارنر نے حسن علی کے جنریٹر اسٹائل میں جشن منایا جس کی ویڈیو سوشل میڈیا پر بھی وائرل ہو رہی ہے۔
ڈیوڈ وارنر نے اچھا نہیں کیا حسن علی کے ساتھ۔۔
منہ پر نقل اتار دی۔۔
pic.twitter.com/zrtcEflKWL— Waseem Abbasi (@Wabbasi007) March 25, 2022
یاد رہے کہ حسن علی آسٹریلیا کے خلاف دوسری اننگز میں 13 رنز بنا کر آؤٹ ہوئے تھے۔
