آسٹریلوی کرکٹ ٹیم کے مایہ ناز اوپنر ڈیوڈ وارنر نے ’پٹھان‘ کا روپ دھار لیا۔
فوٹو اور ویڈیو شیئرنگ ایپ انسٹاگرام پر آسٹریلوی کرکٹر اکثر بالی ووڈ و ساؤتھ انڈین فلموں پر ڈیپ فیک ویڈیو بناتے ہیں جسے ان کے مداح بھی پسند کرتے ہیں۔
اب انسٹاگرام پر وارنر نے ویڈیو شیئر کی ہے جس میں انہیں کنگ خان ’پٹھان‘ کا روپ دھارے دیکھا جاسکتا ہے۔
وارنر نے ویڈیو شیئر کرتے ہوئے کیپشن میں لکھا کہ ’واؤ کیا فلم ہے کیا مجھے نام بتاسکتے ہیں، انہوں نے لیجنڈ اور آئیکون کے ہیش ٹیگز بھی استعمال کیا۔
ویڈیو میں انہیں شاہ رخ خان کے چہرے کی جگہ اپنا چہرہ لگاتے ہوئے اسٹنٹ کرتے ہوئے گانے کے دوران بھی کنگ خان کا انداز اپناتے ہوئے دیکھا جاسکتا ہے۔
واضح رہے کہ اس سے قبل وارنر متعدد فلموں ’پشپا۔‘ کے جی ایف ٹو ودیگر اداکاروں پر بھی ویڈیوز بناچکے ہیں۔
