اسلام آباد: ڈیوس کپ ٹائی کے سنگلز مقابلے میں بھارت کے رام کمار نے اعصام الحق کو شکست دے دی۔
اسلام آباد میں جاری پاک بھارت کے درمیان ڈیوس کپ میں پاکستان کے اعصام الحق نے پہلا سیٹ 7-6 سے جیتا تھا جبکہ بھارت کے رام کمار رماناتھن نے دوسرا سیٹ 7-6 سے اپنے نام کیا۔
اعصام الحق پہلے سیٹ میں کامیابی کے باوجود میچ ہار گئے، تیسرے اور فیصلہ کن سیٹ میں رام کمار رماناتھن نے اعصام الحق کو 6-0 سے شکست دی۔
- Advertisement -
دوسری جانب پاک بھارت ڈیوس کپ میں دوسرے سنگل میچ کے درمیان بارش ہوگئی جس کے بعد عقیل خان اور سری رام بالاجی کا میچ روک دیا گیا۔
واضح رہے کہ دونوں ممالک کے درمیان پچھلا مقابلہ 2014 میں قازقستان میں ہوا تھا، جس میں بھارت نے 0-4 کے اسکور سے فتح حاصل کی تھی۔
