The news is by your side.

Advertisement

وزیراعظم کا ڈان لیکس کمیٹی کی سفارشات پر عمل درآمد کا حکم

اسلام آباد : وزارت داخلہ نے کہا ہے کہ وزیراعظم کی ہدایت پر ڈان لیکس کمیٹی کی سفارشات کا اعلان ہوتے ہی عمل درآمد کا آغاز کردیا جائے گا جس کے لیے آئندہ 24 سے 36 گھنٹے میں اہم امور پر کام ہوجائے گا۔

ذرائع کے مطابق وزیر داخلہ چوہدری نثارعلی خان نے آج وزیر اعظم نواز شریف سے ملاقات کی جس میں انہوں نے ڈان لیکس سمیت اہم امور پر وزیر اعظم کو بریفنگ دی اور رپورٹ میں کی گئی سفارشات پر عمل درآمد کے حوالے سے تبادلہ خیال کیا۔

ترجمان وزارت داخلہ کے مطابق وزیرِ اعظم نے ڈان لیکس کمیٹی کی سفارشات پر مکمل عمل درآمد کرنے کی ہدایت کرتے ہوئے کہا کہ اس حوالے سے کچھ اہم قانونی اور انتظامی امور طے کرنا لازمی ہیں تاکہ کمیٹی کی سفارشات کا اعلان ہوتے ہی ان پر فوری عمل درآمد شروع ہو جائے۔


ڈان لیکس: وزیر خزانہ کی طارق فاطمی کو عہدے سے ہٹانے کی تصدیق


اس موقع پر وزیر داخلہ چوہدری نثار کا کہنا تھا کہ آئندہ 24 سے 36 گھنٹوں میں ان امور پر کام مکمل کر لیا جائے گا جس کے بعد کمیٹی کی تمام سفارشات کا باقاعدہ اعلان کیا جائے گا اور سفارشات پر عمل درآمد کیا جائے گا۔


ڈان لیکس : طارق فاطمی اور راؤ تحسین ذمے دار قرار


خیال رہے کہ قومی سلامتی سے متعلق حساس خبر شائع ہونے کے تحقیقات کے لیے بنائی گئی فیکٹ فائنڈنگ کمیٹی نے اپنی سفارشات مرتب کر لی ہیں جس میں مبینہ طور پر وزیراعظم کے معاون خصوصی طارق فاطمی اور پرنسپل سیکریٹری راؤ تحسین کے خلاف کارروائی کی سفارش کی گئی ہے۔

Print Friendly, PDF & Email

Comments

comments

یہ بھی پڑھیں