The news is by your side.

Advertisement

میکسیکو : آتش فشاں پھٹنے سے خوفناک منظر سامنے آگیا، تصویر وائرل

میکسیکو : اپنے پیاروں کو یاد کرنے کیلئے میکسیکو میں مرنے والوں کا دن ہر سال منایا جاتا ہے، اس موقع پر ایک اجتماع منعقد ہوتا ہے جس میں کو اپنے چہروں پر پینٹنگ کرکے اسے کھوپڑی نما بنالیتے ہیں۔

اس موقع پر مرنے والے کے لواحقین اور دوست مرنے والے عزیزوں کو یاد رکھنے اور ان کے لئے دعا کے لئے جمع ہوتے ہیں بعض لوگ اپنے پیاروں کی قبروں کو اس امید پر سجاتے ہیں کہ انہیں روحانی سکون ملےگا۔

مذکورہ تہوار وسطی اور جنوبی امریکہ کے مختلف ممالک میں بھی منایا جاتا ہے لیکن خصوصی طور پر میکسیکو کے لوگ اسے بہت جوش و خروش سے مناتے ہیں۔ فوت شدگان کے سالانہ دن کا یہ تہوار یکم اور2نومبر کو منایا جاتا ہے۔

غیر ملکی خبر رساں ادارے کے مطابق اس سال ایک عجیب واقعہ پیش آیا، فوت شدگان کے سالانہ دن سے قبل میکسیکو کے پہاڑی علاقے میں ایک آتش فشاں پھٹا، اس سے قبل بھی یہاں آتش فشاں پھٹتے رہے ہیں لیکن بار لوگوں ایک عجیب منظر دیکھا۔

اس منظر کو دیکھ حیرت زدہ ہونے سے ساتھ ساتھ خوفزدہ بھی ہوئے کیونکہ آتش فشاں پھٹنے کے بعد پہاڑ کی چوٹی پر جو شبیہ ابھری وہ ایک کھوپڑی سے ملتی جلتی تھی۔

وسطی میکسیکن کی ریاستوں پیبلا، موریلوس اور میکسیکو کے مابین واقع پاپوکپیٹل میں آتش فشاں پھٹنے کی یہ نایاب تصویر بدھ کے روز لی گئی تھی۔ یہ تصویر ایک مقامی شہری نے بنائی تھی جسے اس نے سوشل میڈیا پر پوسٹ کردیا تھا جو بہت وائرل ہوئی۔

دھماکے کے بعد بننے والی اس بادل کی شکل کو اس کردار سے تشبیہ دی گئی تھی جسے کیترینہ کھوپڑی بھی کہا جاتا ہے یعنی وہ بہروپ جو وہاں کے لوگ سالانہ تہوار میں دھارتے ہیں۔

Comments

یہ بھی پڑھیں