کراچی: کراچی کے علاقے قائد آباد میں گھر سے خاتون اور بچے کی لاشیں برآمد ہوئی ہیں۔
اے آر وائی نیوز کے مطابق پولیس کا بتانا ہے کہ کراچی کے علاقے قائد آباد میں خاتون کا تیز دھار آلے سے گلا کاٹ کر قتل کیا گیا ہے جبکہ بچے کو ڈوبا کر مارا گیا ہے۔
پولیس کا کہنا ہے کہ خاتون کے شوہر کا انتقال ہوچکا ہے، ڈکیتی کے بھی شواہد نہیں ملے ہیں۔
پولیس کا بتانا ہے کہ خاتون اور بچے کی لاشوں کو ضابطے کی کارروائی کے لیے اسپتال منتقل کردیا گیا ہے، واقعہ پرانی دشمنی کا شاخسانہ لگتا ہے۔
واضح رہے کہ رواں ماہ جنوبی پنجاب کے ضلع بہاولپور میں گھر سے 4 افراد کی لاشیں برآمد ہوئی تھیں
ریسکیو ذرائع کا کہنا تھا کہ اطلاع ملی تھی کہ ایک گھر میں چار لاشیں موجود ہیں، قتل ہونے والوں میں ایک مرد اور تین خواتین شامل ہیں۔
عینی شاہدین نے بتانا تھا کہ قتل ہونے والوں میں میاں بیوی، بیٹی اور بھابھی شامل ہیں جن کا تیز دھار آلے سے گلہ کاٹا گیا ہے۔
