تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب: گھر میں پانی کی ٹنکی سے لاش برآمد

ریاض: مکہ مکرمہ میں ایک گھر میں پانی کی ٹنکی سے نامعلوم شخص کی لاش برآمد ہوئی، پولیس نے تفتیش کا آغاز کر دیا ہے۔

سعودی ویب سائٹ کے مطابق مکہ مکرمہ میں ایک مکان کی ٹنکی میں نامعلوم شخص کی لاش پائی گئی، واقعہ مسفلہ محلے کے ایک مکان میں ہوا۔

ابتدائی جائزے سے معلوم ہوا ہے کہ لاش کسی افریقی تارک وطن کی ہے،  مقامی پولیس ذرائع کا کہنا ہے کہ واقعہ کی اطلاع مکان کے رہائشیوں نے دی ہے کہ انہیں گھر کی زیر زمین ٹنکی میں کسی نامعلوم شخص کی لاش ملی ہے۔

پولیس کا کہنا ہے کہ اطلاع ملتے ہی پولیس کی ٹیم موقع پر پہنچ گئی اور شہری دفاع کی مدد سے لاش کو نکال لیا گیا۔

پولیس کی جانب سے مزید کہا گیا کہ تفتیشی کارروائی ابھی ابتدائی مرحلے میں ہے، یہ معلوم نہیں ہوسکا کہ واقعہ میں کون ملوث ہے جبکہ لاش کی شناخت کرنا بھی باقی ہے۔

یاد رہے کہ اس سے قبل بھی مکہ مکرمہ میں ہی ایک کمپنی کی مسجد میں پاکستانی تارک وطن کی لاش پائی گئی تھی۔

پولیس کے مطابق واقعہ الشرائع محلے کے مخطط 5 میں پیش آیا تھا جہاں ایک کمپنی نے اپنے ملازمین کے لیے مسجد بنا رکھی تھی۔

Comments

- Advertisement -