ذرا تصور کریں کہ آپ ایک ریستوران میں بیٹھے کھانا کھارہے ہوں اور بھوک کا عالم بھی زبردست ہو لیکن ایسے میں اچانک آپ کی پلیٹ کے سامنے چھت سے ایک مردہ چوہا گر پڑے تو کیا ہو؟
کچھ ایسا ہی واقعہ بھارت کے شہر بنگلورو کے ایک ریستوران میں پیش آیا، جس کی تصاویر سوشل میڈیا پر وائرل ہورہی ہیں اور صارفین تصاویر دیکھ کر شدید کراہیت کا اظہار کررہے ہیں۔
یہ سب اس وقت شروع ہوا جب ایک خاتون ٹویٹر صارف نے ایک مردہ چوہے کی کچھ تصاویر شیئر کیں جو اس کے کھانے کی میز پر اس وقت گرگیا تھا جب وہ اپنے کھانے سے لطف اندوز ہو رہی تھی۔
تصاویر منظر عام پر آنے کے فوراً بعد آئی کے ای اے انڈیا نامی ریستوران انتظامیہ نے معافی نامہ جاری کیا اور بتایا کہ معاملے کی تحقیقات جاری ہیں۔ انتظامیہ نے وعدہ کیا کہ تمام احتیاطی تدابیر اختیار کی جا رہی ہیں تاکہ اس طرح کا واقعہ دوبارہ نہ ہو۔
Wtf.. guess what fell in our food table at ikea 🤕🤕🤕🤒🤒 I can’t even.
We were eating and this rat just dropped dead..
Most bizzare moment ever!@IKEA@IKEAIndia pic.twitter.com/R45C1BCNkc— Maya (@Sharanyashettyy) July 16, 2023
ریستوران انتظامیہ کا اپنے ٹوئٹر پیغام میں کہنا تھا کہ ہم متاثرہ خاتون سے معذرت خواہ ہیں، خوراک کی حفاظت اور حفظان صحت کے قوانین پر عمل ہماری اولین ترجیح ہے۔
تصاویر کے شیئر کیے جانے کے بعد سے اب تک اس ٹویٹ کو 76ہزار سے زیادہ ویوز مل چکے ہیں۔ ان تصاویر پر صارفین کی جانب سے شدید مذمت کی گئی ہے۔
