آپ کے سامنے پڑی میت کے جسم میں اچانک حرکت ہو اور وہ آنکھیں کھول کر دیکھنے لگے تو آپ کے تاثرات کیا ہوں گے؟ یقیناً آپ کے ہوش اڑ جائیں گے۔
میڈیا رپورٹس کے مطابق ایسا ہی ایک حیران کر دینے والا واقعہ بھارت کی ریاست اتراکھنڈ میں پیش آیا جہاں 102 سالہ خاتون مرنے کے چند گھنٹے بعد زندہ ہوگئیں۔
عمر رسیدہ خاتون کا طویل علالت کے بعد انتقال ہوگیا جس کے بعد آخری رسومات کی تیاریاں کی گئیں۔ لواحقین سے تعزیت کے لیے رشتہ دار اور علاقہ مکین بھی گھر میں جمع ہونا شروع ہوئے۔
میت کے قریب بیٹھے لوگوں کے چہروں کا رنگ اُس وقت بدل گیا جب میت کے جسم میں حرکت ہونا شروع ہوئی۔ خاتون نے اچانک آنکھیں کھول کر سب کو دیکھنا شروع کر دیا۔ لواحقین اور اہل محلہ یہ دیکھ کر جہاں حیرت میں پڑ گئے وہیں انہیں خوشی بھی ہوئی۔
