The news is by your side.

Advertisement

ویکسین نہ لگوانے پر سم بند، آخری تاریخ کا اعلان

پشاور میں کورونا ویکسی نیشن نہ کرانے والوں کی سم بند کرنے کا فیصلہ کیا گیا ہے۔

کمشنر پشاور ریاض محسود کی زیرصدارت اجلاس ہوا جس میں کورونا کے پھیلاؤ کو روکنے اور ‏ویکسینیشن عمل کو تیز کرنے سے متعلق امور کا جائزہ لیا گیا اور تجاویز پر مشاورت کی گئی۔

اجلاس میں کورونا ویکسی نیشن نہ کرانے والوں کی سم بند کرنے کا فیصلہ کیا گیا۔ کمشنرپشاور ‏نے کہا کہ کورونا ویکسین نہ لگوانےوالوں کی موبائل سم بند کی جائیں گی،31 اگست تک ہر کوئی ‏ویکسین لگوائے بصورت دیگر مقررہ تاریخ کے بعد ویکسین نہ لگانے والوں کی سم بند کرنا شروع ‏کریں گے۔

کمشنر پشاور نے کہا کہ 31اگست کے بعدویکسی نیشن نہ کرانےوالوں کی سم بند کردی جائیں ‏گی، کورونا ویکسی نیشن کے لئے خصوصی اقدامات اٹھا رہےہیں ہفتہ سے گھرگھرموبائل ویکسی ‏نیشن سروس شروع کر رہےہیں عوام سے اپیل ہے وہ کورونا ویکسی نیشن کروائیں۔

دوسری جانب لاہور میں گفتگو کرتے ہوئے اسدعمر نے کہا کہ وزیراعظم کی اسمارٹ لاک ڈاؤن ‏پالیسی کامیاب رہی جس کودنیانےسراہا، کورونا پھیلاؤ والےعلاقوں میں اسمارٹ لاک ڈاؤن جاری ‏رکھیں گے۔ ‏

انہوں نے کہا کہ کوروناوائرس کے پھیلاؤ کو بڑی حدتک روکنےمیں کامیاب ہوگئےہیں اب ملک میں ‏مکمل لاک ڈاؤن نہیں ہوگا۔

Comments

یہ بھی پڑھیں