The news is by your side.

Advertisement

چین میں خطرناک کورونا وائرس سے 56 افراد ہلاک

امریکا کی اپنے شہریوں کا چین چھوڑنے کی ہدایت

واشنگٹن/بیجنگ : مہلک وائرس کورونا نے چین میں 56 افراد کو لقمہ اجل بنا دیا، امریکی محکمہ خارجہ نے چین میں مقیم امریکی شہریوں کو جلد چین سے نکلنے کی ہدایات جاری کردیں۔

تفصیلات کے مطابق چین میں کرونا وائرس سے ہلاکتوں میں مسلسل اضافہ ہوریا ہے، حکام کا کہنا ہے کہ وائرس سے ہلاک ہونے والے افراد کی تعداد 56 تک جاپہنچی ہے، فرانس میں بھی 3 کیس رپورٹ ہوئے۔

چینی حکام کی جانب سے 2 ہزار سے زائد افراد میں اس ہلاکت خیز وائرس کی تصدیق ہوچکی ہے۔

چینی صدر کا کہنا ہے کہ چین کو انتہائی خطرناک صورتحال کا سامنا ہے۔

ذرائع کے مطابق امریکا نے کورونا وائرس کے باعث اپنے شہریوں کو چین چھوڑنے کی ہدایت کردی ہے، امریکی محکمہ خارجہ کا کہنا ہے کہ چین میں مقیم امریکی شہری جلد چین سے نکل جائیں۔

امریکی محکمہ خارجہ کے مطابق امریکی شہریوں کےلیےخصوصی پرواز کا انتظام کیا جارہا ہے، ووہان سے امریکی شہریوں کو سان فرانسسکو لایا جائے گا۔

چین میں ہلاکت خیز کرونا وائرس کی روک تھام کیلئے بڑے پیمانے پر اقدامات کیے جارہے ہیں، اس سلسلے میں چینی حکام کی جانب سے عوام پر13شہروں سے باہر نکلنے پر پابندی عائد کرنے کا فیصلہ کیا گیا ہے۔

چینی شہر ووہان سے پھیلنے والے کروناوائرس سے تاحال 11ممالک متاثر ہوچکے ہیں، کرونا وائرس یورپ بھی پہنچ گیا، فرانس میں 3 کیسز رپورٹ ہوئے ہی۔

واضح رہے کہ دنیا بھر میں اب تک رپورٹ ہونے والے کرونا وائرس کیسز کی تعداد 946 سے زائد ہوگئی ہے۔

غیر ملکی خبر رساں ادارے کی رپورٹ کے مطابق چین کے صوبے ہوبئی کے شہر ووہان سے پھیلنے والے مہلک ترین کورونا وائرس کے جنم لینے کی ایک وجہ یہ بھی بتائی جارہی ہے کہ یہ وائرس چمگادڑ کا سوپ پینے، سانپ اور زندہ چوہے کھانے سے پھیلا۔

fb-share-icon0
Tweet 20

Comments

comments

یہ بھی پڑھیں