ایشیاء کے رواں سال کے سب سے طاقت ور سمندری طوفان یاگی کی تباہ کاریوں کا سلسلہ جاری ہے، 10 ستمبر سے شروع ہونے والی بارشوں کے باعث سیلاب آنے سے 11 افراد ہلاک ہوچکے ہیں۔
بین الاقوامی خبر رساں ادارے کی رپورٹ کے مطابق ویتنام میں موثر سمندری طوفان یاگی کے سبب میانمار میں شدید بارشیں ہوئیں۔
میانمار کے فائر فائٹنگ کے شعبے کے بیان میں کہا گیا ہے کہ شدید بارشوں کے باعث سیلاب کی آفت سے 11 افراد ہلاک ہوچکے ہیں۔
- Advertisement -
بیان کے مطابق سیلاب نے نقل و حمل کو بھی بری طرح متاثر کیا اور کچھ بستیوں تک گاڑیوں کے ذریعے رسائی ممکن نہیں رہی۔ لاکھوں افراد اپنا گھر بار چھوڑنے پر مجبور ہوچکے ہیں۔ متعدد علاقوں میں بستیاں زیر آب آچکی ہیں۔
سعودی عرب: موسلا دھار بارشوں کا الرٹ جاری
سمندری طوفان سے جنوب مشرقی ایشیاء میں شدید بارشیں، خطرناک لینڈ سلائیڈنگ اور سیلاب سے پورے خطے میں لاکھوں افراد متاثر ہیں۔
