The news is by your side.

Advertisement

گیت نگاری میں ممتاز نگار صہبائی کا یومِ وفات

نگار صہبائی اردو کے معروف گیت نگار اور نام ور شاعر تھے جن کی آج برسی ہے۔ وہ 8 جنوری 2004ء کو کراچی میں وفات پاگئے تھے۔ ان کا اصل نام محمد سعید تھا اور وہ ناگ پور میں پیدا ہوئے تھے۔

7 اگست 1926ء کو پیدا ہونے والے نگار صہبائی نے ابتدائی تعلیم مدراس اور ناگ پورسے حاصل کی۔ 1947ء میں پاکستان ہجرت کرنے کے بعد کراچی کو اپنا مستقر بنایا اور یہاں جامعہ کراچی سے گریجویشن کیا۔

نگار صہبائی نے قلم سے ناتا جوڑا تو ابتدائی عرصے میں شاعری کے علاوہ افسانے بھی لکھے۔ وہ علم و ادب اور فنونِ لطیفہ کے بڑے شائق و شیدا تھے۔ انھیں‌ مصوّری، موسیقی اور رقص کا شوق بھی رہا۔ یہی سبب ہے کہ انھوں نے ہر صنفِ سخن میں طبع آزمائی کی، مگر گیت نگاری میں انھوں نے خاص پہچان بنائی اور مشہور ہوئے۔ نگار صہبائی منفرد اسلوب کے مالک تھے۔ ان کے گیتوں کے تین مجموعے جیون درپن، من گاگر اور انت سے آگے شایع ہوچکے ہیں۔

Comments

یہ بھی پڑھیں