مشہور گلوکارہ روبینہ بدر کی برسی

پاکستان میں موسیقی اور گائیکی کے میدان میں اپنے وقت کے باکمالوں اور مشہور ناموں کے درمیان روبینہ بدر نے اپنی آواز میں کئی گیتوں کو لازوال اور یادگار بنایا اور فلمی صنعت میں اپنے فن کی بدولت نام پیدا کیا۔

28 مارچ 2006ء کو گلوکارہ روبینہ بدر کی زندگی کا سفر تمام ہوا۔ انھیں کینسر جیسا مہلک مرض لاحق تھا۔ وفات کے وقت روبینہ بدر کی عمر 50 سال تھی۔

روبینہ بدر نے ریڈیو پاکستان اور پاکستان ٹیلی وژن سے اپنے فنی سفر کا آغاز کیا تھا۔ پاکستان ٹیلی وژن پر ان کی آواز میں ایک نغمہ تم سنگ نیناں لاگے بہت مشہور ہوا اور اسے روبینہ بدر کے کیریئر کا اہم سنگِ میل سمجھا جاتا ہے۔ بعدازاں انھوں نے متعدد فلموں کے لیے اپنی آواز کا جادو جگایا۔ ان فلموں میں ایمان دار، چکر باز، شوکن میلے دی، حکم دا غلام، انتظار، پردہ نہ اٹھائو، عزت اور خانزادہ شامل ہیں۔

Comments