The news is by your side.

Advertisement

شاعر، ناول نگار اور نقّاد ضیا حسین ضیا کی برسی

2019ء میں‌ آج ہی کے روز شاعر، ناول نگار اور ناقد ضیا حسین ضیا وفات پاگئے تھے۔ ان کا تعلق فیصل آباد سے تھا۔ وہ ادبی رسالے زر نگار کے مدیر بھی تھے۔

ضیا حسین ضیا اعلیٰ تعلیم یافتہ تھے۔ ابتدائی تعلیم مختلف دینی مدارس سے حاصل کی۔ پنجاب یونیورسٹی سے اردو، عربی اور علومِ اسلامیہ میں ماسٹرز ڈگری حاصل کیں۔ فارسی ادب میں ایم اے اور پھر ایم فل کیا تھا۔
انھیں ایک ایسے ادیب کے طور پر یاد رکھا جائے گا جس نے ہمیشہ ادبی مجالس سے دور رہ کر اپنے فن اور کام کی تشہیر کے بجائے مطالعے اور غور وفکر کو ترجیح دی۔

ضیا حسین ضیا کا ایک ناول مابین بہت پسند کیا گیا جب کہ ان کے تنقیدی اقوال اور شذرات پر مشتمل کتاب لوحِ غیر محفوظ نے انھیں خاصی شہرت عطا کی۔ ان کی نظموں کا مجموعہ دروازہ گل کے نام سے شایع ہوا اور سنجیدہ علمی و ادبی حلقوں میں ان کی پہچان کا سبب بنا۔

علّامہ ضیا حسین ضیا کی ادبی خدمات میں رسالہ زر نگار اس لیے اہم ہے کہ اس کے ذریعے انھوں نے ادبی دنیا میں نئے تخلیق کاروں کو متعارف کرایا۔

Comments

یہ بھی پڑھیں