ممبئی : مودی سرکار میں عام مسلمانوں سے لے کربالی ووڈ ستارے بھی محفوظ نہیں، بھارتی فلم انڈسٹری کے دبنگ بھائی سلمان خان کو بلٹ پروف گاڑی خریدنے کے باوجود قتل کی دھمکیاں ملنے لگیں۔
بھارتی میڈیا کے مطابق سلمان خان کو پہلے ای میل کے ذریعے دھمکیاں موصول ہوئی تھیں، اپنی حفاظت کو یقین بنانے کیلئے سلمان خان نے پہلے ہی ایک بلٹ پروف گاڑی لی ہوئی ہے۔ ممبئی پولیس نے بھی سلمان خان کے گھر کے باہر سیکورٹی سخت کردی ہے۔
رپورٹ کے مطابق ممبئی پولیس کو گزشتہ روز ایک گمنام کال موصول ہوئی جس میں سپر اسٹار سلمان خان کو جان سے مارنے کی دھمکی دی گئی تھی۔
پولیس کا کہنا ہے کہ فون کرنے والے شخص نے اپنی شناخت راجستھان کے جودھ پور سے تعلق رکھنے والے روکی بھائی کے طور پر کرائی اور کہا کہ وہ 30 اپریل کو اداکار سلمان خان کا قتل کردے گا۔
In a call received at Police Control Room yesterday, a man who identified himself as Roki Bhai from Rajasthan’s Jodhpur threatened to kill actor Salman Khan on April 30. Further investigation underway: Mumbai Police
— ANI (@ANI) April 11, 2023
یاد رہے کہ گزشتہ سال سلمان خان کو 1998ء میں کالے ہرن کا شکار کرنے پر آنجہانی پنجابی گلوکار سدھو موسے والا کے قتل میں ملوث ملزم گینگسٹر لارنس بشنوئی کی جانب سے قتل کی دھمکیاں ملی تھیں تب سے ان کی سکیورٹی میں غیرمعمولی اضافہ کر دیا گیا ہے۔
حال ہی میں پولیس نے بھارتی کی ریاست راجستھان سے 21 سالہ دھاکڑ رام وشنوئی نامی ملزم کو گرفتار کیا جو اداکار کو ای میل کے ذریعے قتل کی دھمکیاں دے رہا تھا۔
ملزم نے سُپر اسٹار کو پیغام ارسال کیا تھا کہ مستقبل میں تمہاری حالت بھی سدھو موسے والا جیسی کروں گا۔
