جمعہ, مئی 9, 2025
اشتہار

صومالیہ دھماکہ : ہلاکتوں کی تعداد 512 ہوگئی

اشتہار

حیرت انگیز

موغادیشو: صومالیہ کے دارالحکومت موغادیشومیں ہونے والے بم دھماکے میں ہلاکتوں کی تعداد 512 ہوگئی جبکہ 62 افراد تاحال لاپتہ ہیں۔

تفصیلات کے مطابق صومالیہ کے دارالحکومت موغادیشو کی مصروف شاہراہ پر14 اکتوبر کو ہونے ٹرک بم دھماکے میں ہلاکتوں کی تعداد 512 ہوگئی جبکہ 312 افراد زخمی ہیں۔

دھماکے کی تحقیقات کرنے والی کمیٹی نے اپنی رپورٹ کےمطابق دھماکے کے312 افراد زخمی زیرعلاج ہیں جبکہ 62 افراد تاحال لاپتہ ہیں۔

موغادیشو دھماکے میں 600 سے 800 کلو بارودی مواد استعمال کیا گیا تھا جبکہ حملے کی ذمہ داری دہشت گرد تنظیم الشباب نے قبول کی تھی۔

خیال رہے کہ موغادیشو میں بم دھماکے سے دو دن پہلے امریکہ کے افریقی کمانڈ کے سربراہ نے صومالیہ کے صدر سے دارالحکومت میں ملاقات کی تھی جس کے دو روز بعد ملک کے آرمی چیف اور وزیردفاع نے استعفیٰ دے دیا تھا۔


صومالیہ میں 2 خودکش دھماکے ‘23 افراد ہلاک


یاد رہے کہ رواں سال 29 اکتوبرکو صومالیہ کے دارالحکومت موغادیشومیں ہونے والے دو بم دھماکوں میں کم ازکم 23 افراد ہلاک جبکہ 30 سے زائد افراد زخمی ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں