برازیل میں ہونے والی طوفانی بارشوں کے باعث سیلاب اور لینڈ سلائیڈنگ کے واقعات رونما ہورہے ہیں۔
بین الاقوامی خبر رساں ادارے کی رپورٹ کے مطابق برازیل میں گزشتہ کئی روز سے ہونے والی طوفانی بارشوں کے باعث مختلف حادثات میں مرنے والوں کی تعداد 100سے زائد ہوگئی ہے، جبکہ درجنوں افراد لاپتہ ہیں، ایک لاکھ 63 ہزار سے زائد افراد بے گھر ہو چکے ہیں۔
سیلاب کے باعث پورٹو الیگرے شہر کا باقی ملک سے رابطہ منقطع ہوگیا ہے، پورٹو الیگرے کے ائیرپورٹ اور اسٹیڈیم میں پانی بھر گیا ہے، جہاز، رن وے اور پارکنگ میں گاڑیاں کئی فٹ پانی میں ڈوب چکی ہیں۔
تباہی پھیلانے کے ساتھ ساتھ بارش نے جنگل میں لگی خوفناک آگ بھی بجھا دی
طوفانی بارشوں کے سبب سڑکیں تباہ ہوگئی ہیں اور متعدد پُل بھی ٹوٹ گئے جب کہ ڈیمز بھی متاثر ہوئے ہیں۔
