روس کے علاقے داغستان میں گرجا گھروں اور یہودی عبادت گاہوں پر دہشت گردوں کے حملوں میں مرنے والوں کی تعداد 20 تک پہنچ گئی۔
غیر ملکی ذرائع ابلاغ کے مطابق دہشتگردوں کے حملے میں 46 افراد زخمی بھی ہوئے ہیں جن میں سے بیشتر کی حالت تشویشناک ہے، ہلاک ہونے والوں میں ایک پادری، 15 پولیس اہلکار اور چار شہری شامل ہیں۔
گذشتہ روز داغستان میں دہشت گردوں نے عیسائی اور یہودی عبادت گاہوں اور پولیس چوکی پر حملہ کیا تھا۔پولیس نے جوابی کارروائی کرتے ہوئے 6 حملہ آوروں کو ہلاک کردیا تھا، تاحال کسی گروپ نے حملے کی ذمہ داری قبول نہیں کی ہے۔
واضح رہے کہ داغستان میں تین روزہ سوگ کا اعلان کیا گیا ہے، روسی صدر اور اقوام متحدہ کے سیکریٹری جنرل انتونیو گوتریس نے واقعے پر افسوس کا اظہار کیا ہے۔
روس: گرجا گھروں اور یہودی عبادت گاہوں پر حملوں میں 9 ہلاک
روس کی تحقیقاتی کمیٹی کے بیان میں کہا گیا ہے کہ دہشت گردی کی کارروائیوں پر تحقیقات کا آغاز کردیا گیا ہے۔
