مخصوص نشستوں کا فیصلہ سامنے آنے کے بعد پی ٹی آئی کی صوبائی حکومت کو کتنا خطرہ ہے، اس حوالے سے بیرسٹر سیف نے لب کشائی کی ہے۔
مشیر اطلاعات کےپی بیرسٹرسیف نے اسلام آباد میں صحافیوں سے بات چیت کرتے ہوئے کہا کہ سپریم کورٹ نے جو مخصوص نشستوں سے متعلق فیصلہ دیا ہے اس سے پاکستان تحریک انصاف کی خیبر پختونخوا میں حکومت کو کوئی خطرہ نہیں ہے۔
بیرسٹر سیف نے کہا کہ ملک میں اب آئین اور قانون نام کی کوئی چیز باقی نہیں رہی، پنجاب حکومت قدرتی آفات پر سیاست کرنے سے گریز کرے۔
انھوں نے سانحہ سوات سے متعلق گفتگو کرتے ہوئے بتایا کہ سوات واقعے پر قائم کمیٹی نے تحقیقات کا آغاز کردیا ہے۔
مشیر اطلاعات کےپی نے کہا کہ شمالی وزیرستان میں سیکیورٹی فورسز پر حملہ قابل مذمت اور تشویشناک ہے، امن وامان پر صوبائی اور وفاقی حکومت مشترکہ اقدامات کررہی ہیں۔
تحریک انصاف مخصوص نشستوں سے محروم، سپریم کورٹ نے فیصلہ سنا دیا
