آسٹریلیا میں غیر ملکی طلباء کے کام کے اوقات جولائی 2023 سے دوبارہ محدود کیے جائیں گے۔
خبر ایجنسی کے مطابق آسٹریلوی حکومت جلد ہی غیر ملکی طلباء کو کام کرنے کی اجازت کے اوقات کو محدود کر دے گی، اسٹوڈنٹ ویزا ہولڈرز کے لیے غیر محدود گھنٹوں کے لیے کام کرنے کا حق 30 جون 2023 کو ختم ہو جائے گا۔
آسٹریلوی حکومت کی جانب سے جاری کردہ بیان میں کہا گیا ہے کہ جولائی 2023 سے غیر ملکی طلباء کے لیے کام کے اوقات کی تعداد دوبارہ محدود کر دی جائے گی۔ جس کے بعد کام اور مطالعہ کے درمیان توازن کرنے کے لیے گھنٹوں کی تعداد پر نظر ثانی کی جائے گی۔
یاد رہے کہ جنوری 2022 میں آسٹریلوی حکومت نے افرادی قوت کی کمی کو پورا کرنے کے لیے اسٹوڈنٹ ویزہ رکھنے والوں کے لیے اوقات کار کی پابندیوں میں عارضی طور پر نرمی کی تھی۔
اوقات کار کی پابندیوں میں نرمی سے پہلے، غیر ملکی طلباء کے پاس کام کے لیے 40 گھنٹے فی ہفتہ کی حد تھی۔
حال ہی میں آسٹریلیا نے یہ بھی اعلان کیا تھا کہ غیر ملکی طلباء کے لیے ویزا کے طریقہ کار کو بہتر بنانے اور ویزا کے فیصلوں میں تاخیر کو کم کرنے کے لیے 36 ملین آسٹریلوی ڈالر کا نیا بجٹ مختص کیا جائے گا۔
ان نئی پیشرفتوں کے ساتھ آسٹریلیا میں مستقبل میں بیرون ملک مطالعہ کی درخواستوں میں اضافہ ہوگا جو عالمی وبا کورونا کی وجہ سے متاثر ہوا تھا۔
واضح رہے کہ یہ پروگرام وبائی امراض کے بعد کے ماحول میں سماجی ہم آہنگی کے نتائج کو بڑھانے کے لیے تیار کیا گیا ہے۔
