The news is by your side.

شہباز گل کی رہائی کیلیے اسلام آباد ہائی کورٹ سے رجوع کرنے کا فیصلہ

پاکستان تحریک انصاف نے چیئرمین عمران خان کے چیف آف اسٹاف کی رہائی کے لیے اسلام آباد ہائی کورٹ سے رجوع کرنے کا فیصلہ کیا ہے۔

رہنما پی ٹی آئی اور وکیل فیصل چوہدری نے کہا کہ ہم فوری اسلام آباد ہائی کورٹ جا رہے ہیں، تمام تر کوشش کے باوجود ہمیں ابھی تک شہباز گل کا پتا نہیں لگ سکا۔

نشریات کی بندش کے باعث اے آر وائی نیوز کی لائیو ٹرانسمیشن یہاں دیکھیں

انہوں نے کہا کہ 5 مختلف تھانوں کے چکر لگانے کے باوجود شہباز گل نہیں ملے، ایف آئی اے سے بھی رابطہ کیا لیکن کچھ پتا نہیں لگا۔

دوسری جانب شہباز گل کی گرفتاری پر تحریک انصاف نے ایف آئی اے سے بھی رجوع کرنے کا فیصلہ کرلیا ہے۔ بابر اعوان نے اس متعلق درخواست تیار کرلی ہے۔ عمران خان کی ہدایت پر درخواست ایف آئی اے میں جمع کروائی جائے گی۔

ذرائع کے مطابق پی ٹی آئی کو تاحال یہ نہیں معلوم ہو سکا ہے کہ گرفتاری کے بعد شہباز گل کو کس جگہ منتقل کیا گیا ہے۔ اجلاس میں عمران خان نے کہا کہ پہلے شہباز گل کی لوکیشن معلوم کی جائے اس کے بعد باضابطہ درخواست بھیجی جائے۔

Comments

یہ بھی پڑھیں