کراچی: محکمہ تعلیم سندھ نے کیمبرج کی کتابوں میں شائع قابل اعتراض مضامین اسکولوں میں پڑھانے پر پابندی عائد کردی ہے۔
ایڈیشنل ڈائریکٹر پرائیویٹ اسکولز رفیعہ جاوید کا کہنا ہے کہ اولیول کی سوشیالاجی کی کتاب میں ہم جنس سے متعلق مضمون موجود ہے جبکہ مطالعہ پاکستان کی کتاب میں ہسٹری اینڈ کلچر آف پاکستان کا مضمون تاریخ کے منافی ہے۔
انہوں نے کہا کہ اس طرز کے مضامین کا پاکستان کے کلچر سے تعلق نہیں اس لیے اس مواد ہر پابندی لگانے کا فیصلہ کیا ہے۔
رفیعہ جاوید نے مزید کہا کہ تمام نجی اسکولز کو ان مضامین کو کتابوں سے ہٹانے کا حکم جاری کردیا ہے، پبلشرز اور اسکولز نے حکومت سندھ کی منظوری کے بغیر مضامین کورس میں شامل کئے ہیں۔
Comments
- Advertisement -
