سعودی حکام نے ٹیکنالوجی کی مدد سے ریاض سیزن میں شرکت کرنے والوں کو پتھر اور ڈائنوسار کے زمانے میں لے جانے کا فیصلہ کیا ہے۔
عرب میڈیا کی رپورٹ کے مطابق سعودی عرب کے دارالحکومت ریاض میں تفریحی پروگرام ‘ریاض سیزن’ جاری ہے، جس میں شرکت کرنے والوں کو ماضی سے متعلق معلومات فراہم کرنے کےلیے ٹائم مشین کے ذریعے لاکھوں سال لے جایا جائے گا۔
اس پروگرام کے تحت 70 منٹ تک ٹائم مشین کے ذریعے کی جانے والی سیر کسی سفاری کے سفر سے کم نہیں ہوگی جس میں 67 ملین سال قبل زمین پر پائے جانے والے دیوقامت ڈائنوسار اور پتھر کے زمانے سے متعلق معلومات فراہم کی جائے گی۔
رپورٹ کے مطابق پروگرام میں شریک افراد کو ڈائنوسار پارک کی سیر کروائی جائے گی ، جس کی مدد سے لوگ ڈائنوسار کی زندگی کے مراحل کے بارے میں جان سکیں گے۔
Comments
- Advertisement -
