The news is by your side.

Advertisement

محرم الحرام: مختلف شہروں میں موبائل سروس معطل کرنے کا فیصلہ

لاہور: صوبہ پنجاب کے بڑے شہروں میں محرم الحرام کے پیش نظر موبائل سروس معطل کرنے کا فیصلہ کرلیا گیا۔

تفصیلات کے مطابق وزارت داخلہ نے 7 شہروں کے موبائل سروس معطلی کے لیے اوقات کار طلب کر لیے، جلد حتمی نوٹی فکیشن جاری کیا جائے گا۔

مراسلے میں کہا گیا ہے کہ لاہور، شیخوپورہ، راولپنڈی، جہلم، چنیوٹ، اوکاڑہ اور بہاولپور میں موبائل سروس بند ہوں گے، نشاندہی والے شہر جلد اوقات کار اور علاقوں کاتعین کریں۔

مراسل کے مطابق اوقات کار پی ٹی اے کو بھجوائے جائیں گے۔

محرم الحرام ، پنجاب کے سرکاری اسپتالوں میں الرٹ جاری، عملے کی چھٹیاں منسوخ

دوسری جانب پنجاب حکومت محرم الحرام میں سیکورٹی خدشات کے پیش نظر ڈبل سواری پر بھی پابندی عائد کرچکی ہے، تاہم خواتین، مریض، صحافی اور 50سال سے اوپر کے لوگ پابندی سے مستثنیٰ ہوں گے۔

علاوہ ازیں محرم کے پیش نظر محکمہ صحت نے پنجاب کے سرکاری اسپتالوں کوالرٹ کردیا گیا ہے، پیرامیڈیکل اسٹاف، ڈاکٹرز، نرسز اور دیگر عملے کی چھٹیاں منسوخ کردی گئییں، ٹیچنگ اسپتالوں کی انتظامیہ کوضروری اقدامات مکمل رکھنے اور جان بچانے والی دواؤں سمیت آپریشن تھیٹرز کو فعال رکھنے کی ہدایت کردی گئی۔

Comments

یہ بھی پڑھیں