پی سی بی نے سینٹرل کنٹریکٹ کی خلاف ورزی پر قومی ٹیم کے وکٹ کیپر محمد حارث کیخلاف سخت ایکشن کا فیصلہ کیا ہے۔
تفصیلات کے مطابق بنگلادیش پریمیئر لیگ انتظامیہ نے پاکستانی اوپنر محمد حارث کو ڈھاکا سے واپس بھیج دیا۔ محمد حارث پاکستان کرکٹ بورڈ کو چکمہ دے کر بنگلادیش چلے گئے تھے۔
وہ این او سی نہ ملنے کے باوجود بنگلادیش پریمئر لیگ کھیلنے ڈھاکا پہنچے تھے اور چٹاگرام چیلنجز کی ٹیم کے ساتھ 2 دن بھرپور پریکٹس بھی کرتے رہے۔
- Advertisement -
لیگ انتظامیہ نے این او سی کے بغیر میچ کھیلنے سے محمدحارث کو روک دیا اور انہیں واپسی بھیج دیا۔ محمد حارث اپنے کوٹےکے 2 لیگ کھیل چکے تھے اور تیسری کی این او سی انہیں نہیں ملی۔
پاکستان کرکٹ بورڈ نے سینٹرل کنٹریکٹ کی خلاف ورزی پر وکٹ کیپر کیخلاف سخت ایکشن کا فیصلہ کیا ہے۔
