کراچی اور حیدر آباد میں کل بروز اتوار 15 جنوری کو ہونے والے بلدیاتی الیکشن میں پہلی مرتبہ باڈی کیم استعمال کرنے کا فیصلہ کیا گیا ہے۔
ایڈیشنل آئی جی پولیس جاوید عالم اوڈھو کا اس متعلق کہنا ہے کہ کراچی پولیس کے 700 سے زائد اہلکاروں کو کیم لگایا جائے گا، ڈیوٹی پر مامور تمام ایس ایچ اوز کو بھی باڈی کیم لگایا جائے گا۔
جاوید عالم اوڈھو نے بتایا کہ حساس پولنگ اسٹیشن پر باڈی کیم کے ذریعے نظر رکھی جائے گی، 700 سے زائد پولنگ اسٹیشنز پر براہ راست نظر رکھی جائے گی۔
انہوں نے بتایا کہ کسی بھی ناخوشگوار صورتِ حال کی فوری منظر بندی ہو سکے گی، تمام کیمروں کو کمانڈ اینڈ کنٹرول سے مانیٹر کیا جائے گا۔
