معروف بالی ووڈ اداکارہ دپیکا پڈوکون نے اپنی فلم پٹھان کی ریلیز اور اس کی شاندار کامیابی کے بعد انسٹاگرام پر پہلی تصویر شیئر کردی جس پر مداحوں کی مبارک بادوں کا تانتا بندھ گیا۔
بالی ووڈ کے کنگ خان اور دپیکا پڈوکون کی حالیہ فلم پٹھان نے تنازعات اور بائیکاٹ کی دھمکیوں کے باوجود کامیابی اور مقبولیت کے کئی ریکارڈز توڑ دیے، جس پر نہ صرف فلم کی پوری ٹیم خوش ہے بلکہ پورے بالی ووڈ نے انڈسٹری کو نئی زندگی ملنے پر شکر ادا کیا ہے۔
فلم کی کامیابی کے بعد اداکاروں کی جانب سے مختلف تقریبات میں شرکت جاری ہے، گزشتہ روز پٹھان کی ٹیم یعنی شاہ رخ خان، جان ابراہم، دپیکا پڈوکون اور ہدایتکار سدھارتھ آنند نے میڈیا سے براہ راست بات چیت کا سیشن رکھا۔
دپیکا پڈوکون نے اس سیشن میں شرکت کی تصاویر سوشل میڈیا پر شیئر کیں۔
View this post on Instagram
تصاویر میں انہیں رنگین پھولدار لباس پہنے ہوئے دیکھا جاسکتا ہے، ایک تصویر پر انہوں نے لکھا، میرے پاس کیپشن ختم ہوگئے ہیں، کیا آپ کچھ تجاویز دے سکتے ہیں؟
View this post on Instagram
لاکھوں مداحوں نے ان کی تصاویر ک و لائیک کیا اور ان کی فلم کی کامیابی پر مبارک باد کے کمنٹس بھی لکھے۔
