بالی ووڈ فلم انڈسٹری کی معروف اداکارہ دپیکا پڈوکون، بالی ووڈ اسٹار شاہ رخ خان کے ساتھ دوبارہ جلوہ گر ہونے کیلئے تیار ہیں۔
بھارتی میڈیا کے مطابق بالی ووڈ اداکارہ دیپیکا پڈوکون جلد ہی چنئی ایکسپریس اور جوان کے ساتھی اداکار شاہ رخ خان کے ساتھ اسکرین پر دوبارہ جلوہ گر ہونے والی ہیں جس میں وہ ماں کا کردار ادا کریں گی۔
رپورٹ کے مطابق دیپیکا ایس آر کے کے ساتھ ان کی ہوم پروڈکشن فلم ‘کنگ’ میں کام کریں گی، دیپیکا اس فلم میں سہانا خان کی والدہ کا کردار ادا کریں گی جس کا شائقین بے صبری سے انتظار کررہے ہیں۔
شاہ رخ خان کی فلم کنگ کی ہدایت کاری سدھارتھ آنند کر رہے ہیں جبکہ اس فلم کو مارفلکس پروڈکشن اور ریڈ چلیز انٹرٹینمنٹ نے پروڈیوس کیا ہے، رپورٹ میں یہ بھی کہا گیا کہ ایس آر کے اور سدھارتھ آنند دونوں ہی دیپیکا کو کاسٹ کرنے کے خواہشمند تھے۔
بھارتی میڈیا کی رپورٹ میں بتایا گیا ہے کہ دیپیکا اس فلم میں شاہ رخ خان کے کردار کی سابقہ معشوقہ کے کردار میں نظر آئیں گی، رپورٹ میں مزید بتایا گیا کہ دیپیکا پڈوکون کا کردار ایک کیمیو لیکن یہ پلاٹ کا ایک اہم حصہ ہے۔
View this post on Instagram
