ممبئی:بالی ووڈ فلم انڈسٹری میں کامیابی کے جھنڈے گاڑنے کے بعد اب دیپکا پڈوکون کی نگاہیں ہالی ووڈپر مرکوز ہیں، بالی ووڈ اداکارہ دیپکا پڈوکون اپنی ہالی ووڈ فلم ’’ٹرپل ایکس ریٹرن آف زینڈر کیج‘‘ کی شوٹنگ میں مصروف ہے۔
ہالی ووڈ میں شوٹنگ کے دوران اداکارہ اداکاروں سے ہی نہیں بلکہ ان کی فیملی سے بھی کافی گھل مل گئی ہیں، اس بات کا اندازہ وِن ڈیزل کی جانب سے شئیر کی گئی ایک تصویرسے لگایا جاسکتا ہے، حال ہی میں وِن ڈیزل نے فیس بک پر دیپکا پڈوکون اور اپنی ایک سالہ بیٹی کے ہمراہ ایک سیلفی پوسٹ کی۔
دیپکا کا کہنا ہے کہ ہالی ووڈ میں پہلی بار فلم کرتے ہوئے انھیں سب کچھ اجنبی سا لگ رہا تھا لیکن وِن ڈیزل نے انھیں بالکل گھر کی طرح کا احساس دلایا۔
فلم ’ٹرپل ایکس دی ریٹرن آف زینڈر کیج‘ ہالی وڈ کی کامیاب فلم سیریز ‘ٹرپل ایکس’ کا تیسرا حصہ ہے جس میں دپیکا کے ہمراہ وِن ڈیزل، روبی روز اور جیٹ لی اہم کردار میں نظر آئیں گے۔
واضح رہے گزشتہ برس اداکارہ کو ون ڈیزل کی فلم ’’فیوریس 7‘‘ میں اداکار ی کی پیشکش کی گئی تھی لیکن وہ نامعلوم وجوہات کی بنا پر اس پیشکش کو قبول کرنے میں ناکام رہی تھیں۔