site
stats
انٹرٹینمںٹ

دپیکا نے ون ڈیزل کو ہندی سکھائی

دپیکا پڈوکون آج کل اپنی پہلی ہالی ووڈ فلم ’ٹرپل ایکس: دا زینڈر کیج‘ کی شوٹنگ میں مصروف ہیں۔ اس دوران اپنے ساتھی اداکار ون ڈیزل کی جانب سے پوسٹ کی جانے والی ایک ویڈیو میں وہ انہیں ہندی سکھاتی نظر آرہی ہیں۔

ون ڈیزل نے اپنے فیس بک پر لائیو ویڈیو میں فلم کے بارے میں اپنے خیالات کا اظہار کیا۔ انہوں نے بتایا کہ وہ اور دپیکا فلم کی ریلیز کے لیے بہت پرجوش ہیں۔

اس دوران وہ بھارت میں موجود دپیکا کے مداحوں سے مخاطب ہوئے اور دپیکا سے مدد چاہی، دپیکا نے انہیں ہندی کے کچھ الفاظ بولنے سکھائے۔

ون ڈیزل نے بھارتیوں کو نمستے کیا اور کہا، ’میں آپ سب سے بہت پیار کرتا ہوں‘۔

انہوں نے دپیکا کی تعریف کرتے ہوئے کہا کہ پورا بھارت دپیکا کو جانتا ہے لیکن ٹرپل ایکس کی ریلیز کے بعد پوری دنیا دپیکا کو جاننے لگے گی۔

واضح رہے کہ دپیکا پڈوکون اس فلم سے اپنے ہالی وڈ کیرئیر کی شروعات کرنے جارہی ہیں اور ان کے مدمقابل ون ڈیزل ہوں گے۔

فلم ’دا ریٹرن آف زینڈر کیج‘ 2002 میں آنے والی ’ٹرپل ایکس‘ اور 2005 میں آنے والی ’اسٹیٹ آف دی یونین‘ کا سیکوئل ہے۔

دپیکا فلم میں سیرینا نامی ایک شکاری کا کردار ادا کریں گی۔ فلم میں روبی روز اور سیموئل جیکسن نے بھی اہم کردار ادا کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top