سیالکوٹ: سیالکوٹ ایئرپورٹ کی سیکیورٹی کا پول ہرن نے کھول دیا۔ رن وے پر ہرن کھلے عام گھومنے لگے۔
تفصیلات کے مطابق ہرن کے ایئرپورٹ رن وے پر آجانے پر ایئرپورٹ عملے کی دوڑیں لگ گئیں۔ ہرن ایئرپورٹ کا ٹوٹا جنگلہ کراس کر کے رن وے پر پہنچا۔
ایئرپورٹ ذرائع کے مطابق نجی ایئر لائن کے کپتان نے پرواز کے اڑنے سے پہلے ہرن کی رن وے پر موجودگی کی نشاندہی کی۔
اس سے پہلے بھی اس طرح کے واقعات سیالکوٹ ائیرپورٹ پر رونما ہوچکے ہیں۔ ہرن کو پکڑنے کے بعد محکمہ جنگلی حیات کے حوالے کردیا گیا۔
