کراچی : ڈیفنس میں لٹیرے کام کے بہانے گھروں میں لوٹ مار کرنے لگے، ملازمہ نے گھر والوں کو قہوے میں بےہوشی کی دوا ملاکردی اور ساتھی کے ساتھ مل کر گھر کا صفایا کردیا۔
کراچی کے پوش علاقے ڈیفنس کی خیابان بدر میں چوری کی واردات سامنے آئی ہے جس میں دو روز قبل رکھی جانے والی ماسی ہاتھ کی صفائی دکھا گئی۔
خیابان بدر کے رہائشی خاندان کو قہوہ ایک کروڑ سے زائد مالیت کا پڑگیا، ملزمہ ثمینہ نے گھر میں موجود خواتین کو قہوے میں بےہوشی کی دوا ملا کر پلا دی۔
اس حوالے سے پولیس کا کہنا ہے کہ ملزمہ ساتھی سمیت ایک کروڑ سے زائد مالیت کا مال لوٹ کر فرار ہوگئی، متاثرہ خاندان کے مطابق چوری کی واردات میں ایک کلو سونا،25 ہزار اماراتی درہم لوٹے گئے۔
ڈیفنس پولیس کے مطابق متاثرہ خاندان کے افراد اسپتال میں موجود ہے ان سے رابطہ کرکے جلد مزید کارروائی کیلئے گھر کا جائزہ لے کر تفتیش کا آغاز کیا جائے گا۔
پولیس حکام نے کہا کہ کراچی ساؤتھ زون پولیس نے متعدد مرتبہ مہم چلائی کہ گھر میں ماسیوں کو نوکری کیلئے رکھنے سے قبل ان کا مکمل ڈیٹا لیں لیکن کوئی بھی شخص کوئی ماسی یا ملازم رکھنے سےقبل ان ہدایت پر عمل نہیں کرتا۔
